Thanlon Constituency a ngir tum Lalhlunsang Sungte in biel a fang
LRS Puruolte
Pherzawl (Hmasawnna Thar, Oct 21, 2021): Tv. Lalhlunsang Sungte @ Alfred LS Hmar chun kum 2022 Manipur Assembly Election hung um dinga khin Thanlon A/C-ah ngir a tum a, hi le inawm hin October 15-19, 2021 inkar sung khan Thanlon MLA biel ṭhenkhat a kankuol tiin thu dawngna chun a hril.
Tv. Alfred LS Hmar hi Hmar ṭawnga suok Sawrtui monthly Magazine Editor lo ni hlak a ni a, inchukna tieng MA Po.. Sc(B.Ed) a ni a, a motto chu “Change to Change” ti a nih.
Biel sung po po lamlienpui le inthlungzawm vawng dinga jeepable road siem ding, khaw tinah tui dawn ding khawsunga chawi thei dinga siem ding, medical facility siempuitling; Pherzawl-a inṭanin administrative office popo Thanlon ṭhangin DC, SDO, BDO an rengin a hmun inumtir vawng chu ngaipawimaw hmasa tak ding.
Agriculture tieng suk hmasawna khawtin sungkuo tin ngirsuok thei dan ding riruong siem ding Education tieng hmalak ding, sawrkar le private school hai siemṭhat vawng ding; Thanlon chu ‘Commercial Hub’ pakhata siem ding; Sawrkar project le plant mipui l a ram hmasawnna ding thil popo lam kar laka chavai le thamral um loa sukpuitling pei ding, corruption sukbo ding ti le sports tieng ṭhalai hai hmasawn dan ding ngaituo ti hai chu a thaw tum tlangpui hai an nih.
Recent Comments