HMAR LITERATURE SOCIETY ASSAM-A SINTHAW BAWZUINA

HMAR LITERATURE SOCIETY SINTHAW BAWZUINA

Lalhmarthang Tuolor
Jt. Secretary, HLS, Assam

Guwahati, March 22: New Education Policy,2020 in inchuktir dan thar a siemna dungzuiin,tulai Elementary level a Medium of Instruction (MoI) neihai ta dingin sin a tamzuol lâi a ni leiin,tukhawm awl thei bîk an um nawh. HLS, Assam le HSA ṭhuoitu lê mitlawmngaihai sinthawna bawzui dingin Pu Lalhmarthang Tuolor chu Haflong a inthawk Guwahati fein, March 22 khan Pu S.K.Khobung, Vice-President,HLS leh thei ang angin ofis ṭhenkhatah an fê.

1. Ahmasatakin, Anundoram Barooah Institute of Language, Art and Culture(ABILAC), Assam ofis, Rajaduar, North Guwahati a fein, nikum lâia ṭhangpuina ei hnina thu ngâiven a ni a. Director a lo um remchâng naw khawmin Finance/ Administrative Officer, Asst.Prof.,lê hotu danghai leh hun thawvengtaka inbiekna nei a nih. Director leh phone inbietuo in, ei harsatnahai chipchiertaka hrilhriet a ni bawk a. ‘ Ṭhangpuina(grant-in-Aid) tukum(2021-22) in hmu hman ta naw khawma 2022-23 sûnga in hmu dan ding hma lâkpui ngêi ka ti chêu’ tiin ṭawng thlamuongum dawng a nih.

2. Assam Govt a ei thilngên (Memorandum) bawzui nawk a nih a. File khawm fê peiin vawisun khan HAD a’nthawk ‘Secondary Education deptt’ ah a tlung ta a, Staff hâi leh ṭhataka inbein, ‘positive’ a la ni pei thu hriet a ni bawk. Sectt a mi lo buoipuitu Tv. Hâuva inpêkzona lawm a um hle.

3. Gunotsav’22 lê Vidya Pravesh translation, theitawpa Muolhoi le Hmarkhawlien a mitlawmngaihai buoipui khawm ‘soft & hard copies ‘ submit nawk a ni a. Smt Bandana Duari, Dy.Director,SCERT khawm a lawm hle a, ‘Hmarhai in ṭuon a ṭhain ahmasa pawl tak in nih’ ti’n inhawngtaka inbiekpuina nei a ni bawk.

Ni khat sûng chauva Ofis pawimaw 3 zet fea, lungawium tawk taka sin thaw theia ei um hi lawm a um hle. Ei sinthaw danhai hi mi tamtakin an hriet nuom leia hung update pei a nih.
Ka lawm ie.

 414 total views,  2 views today

Comments

comments

Leave a Comment

Your email address will not be published.

Start typing and press Enter to search

Jai Hmarram!