Hmar Kristien hai nekin, Vai milim bie ha’n Pathienthu an awi lem?

Ziektu: James Hrangchal, Zalen Rûn

Pathienthu awi le awinaw hi Biekbuk sungah nilo in, nitin khawsakna kawngah anlang fie lem hlak.

India ram state hai laia mihriem tam 5na Gujarat le 3na Bihar bakah National Capital Delhi a cheng hai khu ka ngaituo hlak.

An ram roreltu ding thlangna kawngah, tunhma po khan tangka sum hmathe in vote anlo thlak leiin harsatna le ringumna kheltieng ramah beidawngna sûmpui thuo 7 hmun 70 in azîng khuma, nisienlakhawm kumkhat laia inthawk khan, indikna le ringumna in mipui hai lungrilah chi angin ahungin tu țo a, Gujarat ah N.Modi, Bihar ah N.Kumar, Delhi ah A.Kejriwal , W.Bengal ah M.Banerji hai a hung ra suoka, an ramin hmu theiin hmasawnna sirbi ahung sir anih ti khawvelin ahnung hmu ani khu.

Eini Hmar Kristien inti hai, chawlkarkhat sunga Biekbuka Pathienthu tak, ringumna le indikna inchuka vawi 7 tawp inkhawm programme nei hai hin, ei ram mi enkawl pektu ding inthlangna ei hma ela khin ei nei nawk ding ani tah.

Hi ei aiaw a ami țhuoitu dinga ei inthlangna dinga hin, ei thuringbu Baibul in suoltinreng bul ti a hnawmtinphur anga amilo hnephnawl pek, tangka sum ngainatna leiin , ei lungril, taksa le thlaraua in, ei sie le țha hrietna hai hi atawk buoi phak nawk dim?

Vairampur ei zuk tarlangna hmuna țhuoitu ding hai khun an sukdik hmasa phawt nawa, mipui in an sukdik hmasa leiin țhuoitu chu indiklo theilona hmunah anțhuta, hmasawnlo theilo na ngirhmunah an ngirtir lem anih.

Eini chun, Kaisara thil chu Kaisara kuomah pero, ati angin, khawvel inrelbawlna chirhak chu thu hum humin pal nawk eita, Pathien thil chu Khiengkawi mansa a paiin, suolna neilo ni awm fahran in, Biekbuk ah ei van suk Farisai nawk el dim chu!

 546 total views,  6 views today

Comments

comments

Leave a Comment

Your email address will not be published.

Start typing and press Enter to search

Jai Hmarram!